Il-gwida tiegħek għall-parks, ġonna u spazji miftuħa f’Malta
Parks in Malta temmen li kulħadd jistħoqqlu jkollu aċċess għal spazji ħodor. Kemm jekk qed tippjana xi mixja rilassanti, piknik mal-familja fi tmiem il-ġimgħa, eżerċizzju fiżiku fil-beraħ, jew avventura fin-natura, dan is-sit se joffrilek spazju miftuħ ideali skont dak li tixtieq.
#ParksInMalta – għax l-ispazji ħodor huma ta’ kulħadd.
Għaliex għandek iżżur il-parks tagħna?
Erġa' agħmel kuntatt man-natura
Ieqaf ftit mill-ħajja mgħaġġla ta’ kuljum u skopri dawn l-ispazji ħodor f’Malta – minn ġonna mimlijin siġar sa mogħdijiet kostali tajbin għall-mixi. Spazji mmirati biex int tgawdi ftit ħin qalb in-natura u li permezz tagħhom tista’ wkoll tiskopri talenti ġodda bħall-fotografija.
Divertiment adattat għall-familja
Il-parks tagħna joffru divertiment għalik u għall-familja kollha. Minn bandli
siguri għal tfal żgħar sa żoni spazjużi għall-pikniks b’mogħdijiet aċċessibbli,
żgur li għandek issib post addattat għal kull età.
Parks għall-annimali domestiċi
Qed tfittex parks tal-klieb f’Malta? Ħafna mill-ispazji ħodor tagħna jinkludu
parks iddedikati għall-klieb, sabiex il-ħbieb tagħna ikunu jistgħu jgawdu n-natura huma wkoll.
Aċċessibbli għal kulħadd
L-inklussività hija prijorità għall-Aġenzija Project Green. Dan is-sit joffrilek il-faċilità li tfittex parks b’mogħdijiet u faċilitajiet aċċessibbli għas-siġġu tar-roti sabiex kulħadd iħossu milqugħ.
Spazji ta' Attivita Fiżika Fil-Beraħ
Ibqa’ attiv permezz ta’ gyms fil-beraħ u mogħdijiet għall-mixi – ideali għall-eżerċizzji ta’ kuljum u attivitajiet fiżiċi fi gruppi li jtejbu l-benesseri.
Esplora l-ispazji ħodor f’Malta
Minn ġonna fl-irħula sa parks fil-qalba tal-ibliet, kull spazju aħdar f’Malta jirrakkonta l-istorja tiegħu. Uża l-mappa interattiva fuq il-Paġna Ewlenija tagħna biex tesplora l-post ideali għalik skont preferenzi ta’ lokalità, interess, jew aċċessibilità. Kemm jekk tkun f’Malta jew Għawdex, qatt m’inti ‘il bogħod min-natura.
Tinsiex taqsam il- mumenti favoriti tiegħek magħna billi tuża l-hashtag #ParksInMalta moments! Kemm jekk hu ritratt ta’ ġnien, eżerċizzju fiżiku fil-beraħ jew mument għall-kwiet fin-natura – aqsam il-memorji tiegħek biex tinspira lill- oħrajn joħorġu jgawdu l-ispazji ħodor huma wkoll.
Ippjana ż-żjara tiegħek
Lest biex tiskopri l-post favorit tiegħek?
