Politika tal-Privatezza

Aġġornata l-aħħar fis-29 ta’ Awwissu 2025

Min aħna?

Aħna Project Green. L-indirizz tagħna huwa Avenue 77, Triq in-Negozju, Żona 3, Central Business District, Birkirkara, CBD3010. Tista’ tikkuntattjana billi tibgħat ittra bil-posta fl-indirizz imsemmi fl-aħħar ta’ din il-politika jew inkella imejl fuq info@projectgreen.mt.

Il-Kap Eżekuttiv huwa l-Kontrollur tad-Data għall-iskop tal-Att dwar il-Protezzjoni tad-Data (Kap. 586) u r-Regolament Ġenerali dwar il-Protezzjoni tad-Data (UE) 2016/679 (GDPR). Din in-Notifika tal-Privatezza tispjega kif niġbru u nipproċessaw l-Informazzjoni Personali tiegħek, kif ukoll il-passi li nieħdu biex nipproteġu din l-informazzjoni.

Aħna kommessi li nipproteġu l-privatezza tal-viżitaturi u/jew utenti tagħna u ma niġbrux informazzjoni personali dwarek bħala viżitatur sakemm ma tipprovdihiex volontarjament.

Skont ir-Regolament Ġenerali dwar il-Protezzjoni tad-Data, Project Green għandu d-dmir legali li jirrispetta u jipproteġi kull informazzjoni personali li niġbru mingħandek u se nżommu dan l-obbligu. Aħna nieħdu l-miżuri kollha meħtieġa biex nipprevjenu aċċess mhux awtorizzat u ma naqsmux id-dettalji tiegħek ma’ partijiet terzi sakemm ma tagħtiniex il-kunsens tiegħek jew sakemm ma nkunux awtorizzati mil-liġi.

Żvelar ta’ Data Personali

Id-data personali tiegħek se tiġi pproċessata b’konformità sħiħa mar-Regolament Ġenerali dwar il-Protezzjoni tad-Data (GDPR). F’ċirkostanzi limitati u speċifiċi, id-data tiegħek tista’ tiġi tintbagħat lill-partiijiet terzi, strettament fejn meħtieġ u skont l-obbligi legali. Dawn jistgħu jinkludu:

Project Green, fejn l-iżvelar ikun meħtieġ għall-eżekuzzjoni tal-funzjonijiet u l-għanijiet ta’ interess pubbliku skont:
– L-Att dwar il-Protezzjoni tal-Ambjent (Kap. 549),
– L-Att dwar l-Iżvilupp Sostenibbli (Kap. 521),
– Ir-Regolamenti dwar il-Libertà ta’ Aċċess għal Informazzjoni dwar l-Ambjent (S.L. 549.39)

u leġiżlazzjoni oħra applikabbli relatata mal-ambjent u l-interess pubbliku. Dan jista’ jinkludi kuntatt miegħek dwar il-parteċipazzjoni tiegħek f’inizjattivi ta’ Project Green jew feedback dwarhom.
Korp ta’ infurzar tal-liġi li jista’ jkollu bżonn raġonevoli li jaċċessa l-informazzjoni personal tiegħek.

Kull żvelar ta’ dan it-tip se jsir skont il-prinċipji ta’ legalità, gustizzja, trasparenza u minimizzazzjoni tad-data kif stabbilit fil-GDPR.

X’informazzjoni personali niġbru u għaliex?

Formoli Elettroniċi (E-Forms)
Waqt il-proċess ta’ sottomissjoni ta’ formoli fuq is-sit indirizzati lill-ministeru, dipartiment jew entità oħra tal-Gvern ta’ Malta, aħna nistgħu niġbru informazzjoni personali. F’każijiet bħal dawn, is-sit jintuża bħala User Interface u l-informazzjoni li tinkiseb permezz ta’ dawn il-formoli tiġi sottomessa għall-ipproċessar lill-ministeru, dipartiment jew entità oħra tal-Gvern ta’ Malta rilevanti. F’dan il-każ, il-perjodu taż-żamma tas-servizz inkwistjoni jkun japplika.
Indirizz IP (protokoll tal-internet) u identifikazzjoni
Is-server tas-sit iżomm informazzjoni limitata dwar Indirizzi IP jew il-lok tal-kompjuter tiegħek fuq l-internet, għall-amministrazzjoni tas-sistemi u għal skopijiet ta’ soluzzjoni ta’ problemi. Aħna ma nużawx informazzjoni dwar l-Indirizzi IP biex insegwu x’qed tagħmel jew l-imġiba tiegħek fuq is-sit tagħna.
Kuntatt/Feedback
Meta jintużaw is-servizzi online ta’ dan is-sit elettroniku, is-suġġetti tad-data jistgħu jkunu mitluba li jipprovdu d-dettalji ta’ kuntatt tagħhom għal skopijiet ta’ kuntatt u komunikazzjoni. L-informazzjoni kollha u d-data personali li inti tipprovdilna fil-formola ta’ Kuntatt/Feedback tista’ tiġi pproċessata biss għall-iskop strett li nirrispondu għat-talba personali tiegħek.

Sigurtà, Ħażna u Trasferiment

Aħna niżguraw li d-data personali tiegħek tibqa’ sigura f’kull ħin. Għandna l-proċeduri biex nipproteġu d-data li niġbru onlajn.

Id-data tiegħek tista’ tinżamm u tiġi pproċessata fis-sistemi tagħna u/jew fis-sistemi ta’ terzi persuni li jkunu ġew appuntati minna. Aħna nieħdu l-passi kollha meħtieġa biex niżguraw li d-data tiegħek tiġi trattata b’mod sigur u skont din il-Politika, id-DPA u l-GDPR, kif ukoll kull regolament applikabbli tal-Unjoni Ewropea u liġi relatata mal-protezzjoni tad-data.

Meta s-sit jieħdok f’siti oħra lokali jew internazzjonali, inti ma tibqax suġġett għal din il-politika iżda għal dik tas-sit il-ġdid.

Aħna nżommu d-data personali tiegħek sakemm ikun hemm bżonn għal skop li qed tiġi pproċessata għalih. Meta ma jkunx hemm il-bżonn legali, kummerċjali jew ta’ servizz, id-data tiġi mħassra b’mod sigur jew anonimizzata.

Aħna nimplimentaw miżuri tekniċi xierqa bħall-encryption u, fejn applikabbli, pseudonimizzazzjoni biex innaqqsu r-riskju ta’ re-identifikazzjoni. Dawn il-miżuri jiġu riveduti regolarment.

Il-prattiċi ta’ sigurtà tagħna jiġu evalwati internament u esternament b’mod regolari. Dawn jinkludu testijiet u awditjar ta’ miżuri tekniċi u organizzattivi, inkluż sistemi operati minn proċessuri ta’ partijiet terzi. Dawn l-attivitajiet jikkonformu mal-Artiklu 32(1)(d) tal-GDPR u jgħinuna nadattaw għal theddidiet tas-sigurtà.

Aħna niżguraw li kull persuna jew fornitur ta’ servizz li jkollu aċċess għad-data personali jagħmel dan skont l-istruzzjonijiet dokumentati tagħna, sakemm ma jkunx meħtieġ mod ieħor mil-liġi. Hemm miżuri xierqa fis-seħħ biex jinfurzaw dan, u l-impjegati huma mħarrġin dwar ir-responsabbiltajiet tal-protezzjoni tad-data. Dan il-kontroll huwa konformi mal-Artiklu 32(4) tal-GDPR u jifforma parti mill-qafas usa’ tagħna ta’ responsabbiltà u governanza.

Trasmissjoni ta’ Informazzjoni fuq l-Internet

Dan is-sit juża t-teknoloġija Secure Sockets Layer (SSL) biex jipproteġi d-data personali tiegħek waqt it-trasmissjoni. SSL joħloq konnessjoni kriptata bejn il-browser tiegħek u s-servers tagħna, u jiżgura li d-data kollha li tgħaddi bejniethom tibqa’ kunfidenzjali u sigura. Dan huwa f’konformità ma’ l-Artiklu 32(1)(a) tal-GDPR, li jitlob lill-kontrolluri u lill-ipproċessuri biex jimplimentaw miżuri tekniċi u xierqa, bħall-“pseudonimizzazzjoni u l-encryption tad-data personali,” sabiex jiġi żgurat livell ta’ sigurtà xierqa.

L-użu ta’ SSL jgħin biex tiġi żgurata l-kunfidenzjalità u l-integrità tad-data personali waqt it-trasmissjoni, billi jappoġġja l-prinċipju stabbilit fl-Artiklu 5(1)(f) tal-GDPR, li jgħid li d-data personali għandha tiġi “pproċessata b’mod li jiżgura sigurtà xierqa, inkluża l-protezzjoni kontra l-ipproċessar mhux awtorizzat jew illegali u kontra t-telf, il-qerda jew il-ħsara aċċidentali, permezz ta’ miżuri tekniċi u xierqa.”

Biex tikkonferma li l-SSL encryption hija attiva, tista’ tivverifika s-simbolu tal-katnazz fuq barra tal-indirizz tal-browser u tikkonferma li l-URL tas-sit tibda b’“https://”, li jindika konnessjoni sigura. Dan l-indikatur viżibbli jiffaċilita t-trasparenza u l-għarfien tal-utent, u jirrifletti l-obbligu usa’ taħt l-Artiklu 5(1)(a) tal-GDPR li d-data tiġi pproċessata b’mod legali, ġust u trasparenti.

Barra minn hekk, skont ir-Recital 83, aħna nivvalutaw ir-riskji involuti fit-trattament tad-data personali u nimplimentaw miżuri tekniċi, bħal encryption, biex innaqqsu dawk ir-riskji. Kif imsemmi fir-Recital 83, jiġi enfasizzat li l-kontrolluri u l-ipproċessuri għandhom jevalwaw ir-riskji u jimplimentaw miżuri ta’ sigurtà biex “jevitaw, b’mod partikolari, kwalunkwe żvelar mhux awtorizzat ta’ data personali jew aċċess għaliha.”

Filwaqt li nieħdu dawn il-passi biex insegwu s-sigurtà tad-data tiegħek waqt it-trasmissjoni, infakkru lill-utenti li l-ebda metodu ta’ trasmissjoni fuq l-Internet jew metodu ta’ ħażna elettronika huwa kompletament sigur. Minkejja dan, aħna impenjati li nżommu standards b’saħħithom ta’ sigurtà.

Bidliet f’din in-Notifika tal-Privatezza

Aħna nistgħu naġġornaw din il-politika biex nirriflettu bidliet fis-sit. Kull bidla se tiġi ppubblikata fuq din il-paġna. Għalhekk, huwa fl-interess tiegħek li tiċċekkja l-paġna tal-‘Politika tal-Privatezz’ kull darba li taċċessa s-sit.

Dettalji ta’ Kuntatt

Jekk għandek xi mistoqsijiet dwar din il-politika, jekk jogħġok ikkuntattjana bl-imejl kif speċifikat.

Uffiċjal tal-Protezzjoni tad-Data
Project Green,
Avenue 77, Triq in-Negozju,
Zone 3, Central Business District,
Birkirkara CBD3010, Malta

Email: dpo.pg@projectgreen.mt

Telephone: (+356) 2095 1106