Ġnien iż-Żgħażagħ

Ġnien iż-Żgħażagħ fil-Gudja huwa spazju rikreattiv mifrux fuq medda ta’ 1,100 metru kwadru li jinkorpora prinċipji ta’ aċċessibilità u inklussività. Il-ġnien jinkludi bankijiet għall-pikniks magħmula minn materjal sostenibbli, li jiżguraw li kulħadd, inkluż min jagħmel użu ta’ siġġu tar-roti, jista’ jgawdi l-ispazju. L-użu ta’ paviment tal-geogrid, materjal li jistabilizza l-art, ikompli jintegra l-aċċessibilità, filwaqt li jippreserva l-ambjent naturali. Dan il-proġett ta’ riġenerazzjoni juri sforz kollettiv għas-saħħa tal-bniedem u l-ambjent.