Ġnien il-Koppin

Minn art li setghet tinbena issa giet trasformata fi Ġnien il-Koppin f’Ħal Kirkop. L-ispazju jkopri 1,600 metru kwadru f’żona urbana tal-lokalità. L-ispazju jinkludi viewing platform, mogħdijiet magħmula minn materjali riċiklabbli, żoni għall-ħxejjex aromatiċi, kif ukoll strutturi li jippromwovu l-pollinazzjoni u l-bijodiversità, fosthom insect hotel u anke logħob għat-tfal. F’dan il-proġett tħawlu 55 siġra matura, flimkien ma’ pjanti u siġar indiġeni, bil-għan li tissaħħaħ l-ekosistema lokali. Il-ġnien jinkludi sistema ta’ irrigazzjoni awtomatika li taħdem permezz ta’ ġibjun ta’ 110 metru kubu, li sar apposta biex jiġi żgurat użu aktar effiċjenti tal-ilma. L-element ta’ sostenibbiltà ġie msaħħaħ ukoll permezz ta’ sistemi tal-elettriku li jaħdmu bl-enerġija solari.