Ġnien Romeo Romano

Parti ġdida mill-ġnien, li qabel ma kienitx aċċessibbli għall-pubbliku, żdiedet b’madwar 4,000 metru kwadru mal-ispazju miftuħ fil-qalba ta’ din iż-żona urbana. Ix-xogħol ta’ restawr ra li jagħmel dan il-ġnien wieħed aċċessibbli u sigur għal dawk li jżuruh. Il-proġett kien jinkludi bandli għat-tfal b’żewġ decking areas, ippjanati biex jintegraw b’mod sostenibbli l-istorja ta’ dan il-ġnien waqt li jżommu l-għadd kbir ta’ siġar taċ-ċitru maturi, flimkien ma’ 25 siġra ġdida oħra. Dan il-ġnien hu dar għal diversi karatteristiċi storiċi, inklużi sienja (mill tal-ilma) li tmur lura għat-19-seklu.GreenServ irrestawrat ġiebja tal-ilma li tinsab taħt il-ġnien u mal-kanali tal-ilma li jdawwaru dawn is-siġar. Fl-istess waqt, il-mogħdijiet ġew magħmula b’mod sigur u aċċessibbli għal kulħadd. Il-fażi l-ewwel inkludiet ukoll ir-restawr tal-ħitan u l-funtani u tħawwil ta’ aktar siġar taċ-ċitru.