Il-Park tal-Majjistral jinsab fil-Majjistral ta’ Malta u jinkludi ż-żona kostali mill-Mixquqa (Golden Bay) sal-Prajjet (Anchor Bay) u ’l ġewwa lejn ix-Xagħra l-Ħamra. Fl-2007, dan il-park ġie ddikjarat bħala Park Nazzjonali u l-isem tiegħu ġej mir-reġjun tal-Majjistral u l-warda tar-riħ.
Il-Park jinkludi interess naturali u kulturali u għalhekk huwa attrazzjoni pubblika ta’ valur għoli. Fiż-żoni periferali tal-Park, wieħed jista’ jsib postijiet ta’ wirt militari u rurali, pajsaġġ eċċellenti li jinkludi flora, opportunitajiet t’osservazzjoni tal-għasafar, għerien naturali u rdumijiet kostali. Il-kosta tospita abitat importanti b’valur ekoloġiku li issa jagħmel parti mil-lista ta’ siti Natura 2000. Karatteristiċi addizzjonali fil-Park li jagħmlu parti minn pajsaġġ kulturali sinifikanti jinkludu ħitan twal tas-sejjieħ, cart ruts, razzett antik, oqbra li jmorru lura għall-perjodu Klassiku u għerien naturali. Il-pubbliku jista’ jgawdi kilometri ta’ passaġġi għall-mixi fejn wieħed jista’ jesperjenza varjetà t’abitat sinifikanti għall-ġeografija tal-Mediterran.
Aċċessibbli għall-klieb
Faċilitajiet għall-ikkampjar
Mogħdijiet għall-mixi u ġiri
Veduti
